PRODUKTTYP 1: SECOND HAND
Di bescht und eifachscht Variante, woni bis jetzt gfunde han, isch eifach gar nüt Neus z produziere!
Drum sammle ich bereits bruuchti Kleider und büüt ah, sie neu und einzigartig für dich z besticke.
US ZWEITER HAND
THEMA NACHHALTIGKEIT
Nachhaltigkeit isch es extrem heikels Thema und ich versueche debi alles wo i minere Hand isch bestmöglich ahzgah.
PRODUKTTYP 2: NEU PRODUZIERT
Aber warum staht bi de erste Uusgab denn «Made in Bangladesch» i dim Liibli? Isch das en Widerspruch?
D Zämearbeit mit de Produktion vo Stanley & Stella beruht uf de Überzügig, dass Kleiderherstellig in Asie chan guet si, wenn sie au guet gmacht wird.
Das heisst, d Recht vo de Beschäftigte z respektiere und en positive Ihfluss ufs Lebe vo de Mensche vor Ort zneh.
Nebed hochqualifizierte Arbeitskräft und em Ihsatz vo neue Fertigungstechnike isch Bangladesch eis vo de wenige Länder, wo über di vollständig integrierti Wertschöfpigschetti für Textilien verfüegt.
Vo de Faserbeschaffig bis zum Vertrieb vom fertige Produkt wird jede Prozess, jedi Lieferantin und jede Lieferant uf Nachhaltigkeit prüeft.
D Baumwulle isch Bio, es werded also vom Abau über d Witerbearbeitig bis zu dir kei bedenklichi Chemikalie verwendet.
Zudem isch au alles vegan, also frei vo tierische Bestandteil.
Meh Informatione, z. B. zu de höche Standard-Zertifizierige wie Global Organic Textile Standard (GOTS), Fair Wear Foundation, Global Recycled Standard (GRS), OEKO-TEX-Standard 100, PETA VEGAN und vilem meh findsch über de folgendi Link.
Zu Stanley/StellaUS ERSTER HAND
VERSAND
Mehrwegverpackig
Wie de Elvis scho gseit hät: «Return to Sender.»
Statt Verpackig wegrüere, warum nöd eifach wiederverwende?
So funktionierts:
- Dis einzigartige Kleidigsstück uuspacke
- De leer (us rezykliertem Kunststoff und klimaneutral hergestellti) Versandbüütel zämmefalte und per Klettverschluss zuemache
- Di vorfrankierti Etikette ade markierte Stell ufchläbe
- De Kickbag in nächste Briefchaste rüere
De vode Post testeti und erprobti Büütel isch ab em zweite Ihsatz umweltfründlicher als Karton und Plastik.
Zu KickbagSo gaht d Post ab
D Post versendet mit em Label «pro clima» alli Sendige CO2-kompensiert.
Die aktuell nöd vermidbare Emissione im Versand werded also no durch Klimaschutzprojekt im In- und Usland kompensiert.
Zu de PostKOMMENTAR
Mir isch extrem wichtig zum grad als Ersts klarstelle, dass das Projekt nonig und vermuetli au nie perfekt wird werde.
Ich mache das alles zum erste Mal und us puurer Freud am Prozess. Da isch nämlich bizzli vo allem drin, wo ich liebe. Gastalte, Bastle, Programmiere und villem meh.
Bsunders d Produktion vo Kleider in gringer Stückzahl han ich bisher als grossi Heruserforderig empfunde.
Drum, söttisch du irgende Idee ha, bitte jederziit melde. Bin mega froh um jegliche Input.